Plataforma contra as fumigacións masivas dos eucaliptos

Salvemos as abellas de Galicia,

salvemos o noso futuro

 

Está previsto fumigar todos os eucaliptais de Galicia cun insecticida tóxico para as abellas que estará prohibido na UE a partir do 1 de agosto.

Debemos movilizarnos para salvar as abellas e o resto do ecosistema galego, sobre todo porque nos xogamos un equilibrio ecolóxico vital para a nosa supervivencia. Os promotores desta fumigación deben dar marcha atrás e retirar o plan. ¡Nin unha gota deste veneno debe caer sobre os montes galegos! Se queren loitar contra as súas pragas, que busquen métodos que non impliquen a morte da nosa agricultura.

Firma a petición:

http://actuable.es/peticiones/salvemos-abejas-galicia-salvemos-nuestro-futuro

Xa van mais de mil firmas enviadas!

Mais información en www.apiculturagalega.org / www.fumigacionsnon.org

CONVOCATORIA REUNIÓN KARRIKANTA DO MES DE MAIO:

CONVOCATORIA REUNIÓN KARRIKANTA DO MES DE MAIO:

O próximo 4 de maio, venres, ás 19:00h celebramos a próxima reunión cos seguintes puntos a tratar:

• SEGUIMENTO NOVO LOCAL PARA A ASOCIACIÓN EN BURELA
• VALORACIÓN SOBRE A PARTICIPACIÓN DOS PRODUTORES NO MERCADO ECOLÓXICO QUE TERÁ LUGAR NO DOMINGO SEGUINTE Á REUNIÓN
• VALORACIÓN DA XESTIÓN DE PEDIDOS
• ACTIVIDADES PARA O VERÁN
• PAGO DAS Cotas ANUAIS 

Apertas para tod@s.

Charla: Os productos ecolóxicos e os seus beneficios

A DELEGACIÓN DE MEDIO AMBIENTE DO CONCELLO DE BURELA ORGANIZA UNHA CHARLA SOBRE PRODUCTOS ECOLÓXICOS E OS SEUS BENEFICIOS PARA CONMEMORAR O DÍA DA TERRA. O ACTO SERÁ O 27 DE ABRIL. 

 

 A Delegación de Medio Ambiente organiza unha charla para conmemorar o día da terra. O acto desenvolveráse o vindeiro venres, 27 de abril, ás 20 horas no salón de conferencias de Burela (antiga biblioteca).

A charla versará sobre Os productos ecolóxicos e os seus beneficios e será impartida por Edmundo Maseda Maseda. Este veciño do Valadouro adícase á producción ecolóxica de hortalizas desde hai 6 anos. Cultiva baixo invernadeiro tomates, pementos e leitugas, e ao aire libre cultiva patacas e fabas. Edmundo Maseda pertence á Asociación de Produtores Ecolóxicos de Galicia, “que se entregan á súa labor respectando o medio ambiente e as boas prácticas agrícolas e gandeiras”.

Na charla Edmundo Maseda explicará en qué consiste a agricultura ecolóxica e cales son os seus beneficios para a saúde, o medio ambiente e a economía rural.